唔知佢，會唔會有少少鍾意我呢? 戀愛前夕，相信好多女仔都會思索呢個問題。其實係佢對你嘅行為上就可以偵察出蛛絲馬跡，快啲睇下你心儀嘅「佢」有冇對你做以下嘅行為啦！

#成日同你Send Message，傾到三更半夜

女仔天生就比較話多，但男仔其實唔會有咁多野講。如果一個男仔會不斷同你Send message，持續一斷時間，甚至Send到半夜三更，可能佢對你有點意思喔！

#單獨約你出去

係正式地約你出去，唔係得閒約你打發時間。當男孩子正式地約你出去食飯睇戲，買晒飛訂晒位，咁好有可能佢係好想追你！

#肢體上嘅接觸

有時佢有意無意嘅身體接觸，係試探女仔嘅反應，如果女生不抗拒，佢可以都會覺得自己有機會，有啲大膽主動啲嘅男仔仲會用摸頭殺添!

#Like晒你FB/IG

鐘意一個人就會不自覺地想知多啲佢嘅野，如果你發現你每個IG story都有佢嘅足跡，又或者佢有意無意提起你FB或IG上嘅事，恭喜你變成佢追蹤對象啦!

#同你講野會變聲

男仔同女仔一樣，面對心上人都會變聲架! 唔同性格嘅人會有唔同反應，有啲男仔會突然對你講野嘅語調變得溫柔，有啲就會變得緊張，其實都係在意你嘅表現喔!

#你唔覺意嘅時候偷望你，你直視佢又迴避你

望住人講野係禮貌嘅表現，但如果佢成日都有意無意咁偷望你，但你地對話嘅時候佢反而唔可以望住你講野，好有可能係佢怕醜呢!